- 20 -

1401. Februar 21.

Wir her Niclos Apt wnde ich her Johannes Prior wnde das gancze Couent czur Gimmelnycz des Closters dy nu syn wnde her noch werdyn czu czukunftegyn czeytin, tun offenbar wnde bekennyn, das der hochgeborn wnde yrlewchte furste Herczog Bernhard von Opol wnde herre czu Strelicz wnsir genedegir herre czu wns eyn ewyk zel gerette Nassinborn von dem Lwnak gekawft, geczewgit wnde geschicket hot, alle wochin drey zel messin czu lesin wnde czu volbrengyn gote czu lobe wnde czu troste wnde des egenantyn Nassinbors eldirn zele wnde syner vor varn zele wnde dornoch zyner zelin wnde aller zeyner nochkomelingen zehn eweclich czu gedenkin wnde got vor sy czu betyn. Das zelbe zel gerete wnde messin globe wir dem egenantin Nassinborn wnde seynen nestin frundyn wnde seyn nochkomelingen wnde der Stat Strelicz gancz volkomelich wnde stete eweclich czu haldin obir synte Katherynen altir, am montage eyne, an der metewoche dy andir, dy dritte am zunnobende adir wen wir in der wochin mogyn vor erhaftegym hyndirnos eweclich czu volbrengyn, myt orkunde dys brywes der do gegebin ist noch gotis geburt firczenhundirt Jar wnde dornoch alz man schreybit ym erstin Jare. Am montage noch allir manne fastnacht. Des czu grossir sicherheyt wnde volkomener bestetenunge habe wir wnsir Ingezegil an desin bryf losin anhengyn.

Anhangend das Siegel des Abts, elliptisch, n grünem Wachs, mit einer stehenden Abtfigur und der Umschrift: S. FRATRIS. NICOLAI. ABBATIS. IN. GEMELNICZ. Das Conventsiegel ist verloren.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.